Hvað er sálræn meðferð?Question Mark Response - Free image on Pixabay

Sálræn meðferð er persónuleg vinna með tilfinningar, skynjanir, hugsun, líkamsvitund og hegðun undir leiðsögn fagaðila. Mismunandi er eftir fagaðila á hvaða þætti er lögð mest áhersla, eftir því hvaða meðferðarstefnu(m) viðkomandi vinnur eftir. Algengasta formið er samtalsmeðferð en inn í það getur verið blandað öðrum þáttum eins og verkefnum, æfingum, hugleiðslu eða sérstakri tækni eins og EMDR. Sálræn meðferð fer fram innan trausts siðferðilegs ramma faglegs meðferðarsambands, ávallt með velferð skjólstæðingsins að leiðarljósi. Hún er mislöng eftir því hvað unnið er með, vilja og fjárráðum hvers og eins.

Grein:  Hugleiðing um ranghugmyndir um sálræna meðferð.

Grein: Atriði til að hafa í huga við val á meðferðaraðila.

Grein: Um meðferðarsambandið.

 

Sálræn meðferð er fyrir þáImage result for puzzles together

sem leita lausnar við vanlíðan sem þeir upplifa í daglegu lífi vegna núverandi aðstæðna eða frá fortríðardraugum.  Hún er líka fyrir þá sem vilja efla sig og þroska og eignast betra samband við sjálfa sig og aðra.

Skimanir fyrir sálrænum vandamálum eru ekki greining heldur hugmynd um hvort gott gæti verið að leita til fagaðila um meðferð eða greiningu. Persona.is er með skimanir sem hægt er að máta við sig.

Grein:   Um uppbyggilegt hugarfar við sjálfsskoðun.

Grein:   Að fá sem mest út úr meðferð.

Grein:  Að flysja laukinn  – í meðferð.

 

Eitthvað fyrir þig?What's In It For Me? — Bethel Worship Center

Finnst þér það sem þú ert að kljást við ekki svo alvarlegt  að þú eigir ekki að þurfa aðstoð fagaðila? Finnst þér þú eigir að geta leyst þetta sjálf/-ur eða með aðstoð þinna nánustu? Hafa aðrir það svo miklu verr en þú?  Svar mitt við svona vangaveltum er að það sem plagar þig plagar þig. Það sem þú upplifir er satt fyrir þig. Fólk getur upplifað sama áreiti á mismunandi hátt. Það er þín upplifun sem skiptir máli fyrir þig. Svo má líka alveg leita aðstoðar áður en vandi verður mjög stór. Það er ekki víst að að manns nánustu séu í stakk búnir til að veita aðstoð og eins geta erfiðleikarnir verið of tengdir þeim. Kannski ertu meira að hugsa um ráðgjöf en meðferð. Sumir gera ekki greinarmun á þessu en minn skilningur er að ráðgjöf sé styttri og þar séu meira gefin ráð við afmörkuðum vanda en í meðferð sé unnið dýpra, meira með kjarnann í  manneskjunni.

GreinAð skammast sín fyrir að vera í meðferð.