Ég vef4

Hvað er sálræn meðferð?

Sálræn meðferð er persónuleg vinna með tilfinningar, skynjanir, hugsun, líkamsvitund og hegðun. Mismunandi er á hvaða þætti er lögð mest áhersla. Algengasta formið er samtal (samtalsmeðferð) en inn í það getur verið blandað öðrum þáttum eins og verkefnum, æfingum, hugleiðslu eða sérstakri tækni eins og EMDR. Sálræn meðferð fer fram innan trausts siðferðilegs ramma og í krafti meðferðarsambands meðferðaraðila og skjólstæðings, ávallt með velferð skjólstæðingsins að leiðarljósi. Sálræn meðferð er ferðalag, stutt eða langt eftir eðli vandans, fjárráðum og vilja þar sem báðir aðilar eru virkir, ábyrgir þátttakendur.

Grein: Hér eru góð ráð sem hjálpa fólki að fá sem mest út úr meðferð.Image result for support

Grein:  Atriði til að hafa í huga við val á meðferðaraðila.

Grein:  Um uppbyggilegt hugarfar við sjálfsskoðun.

Grein:  Að flysja laukinn – að vera í meðferð.

Sálræn meðferð er fyrir þá

sem leita lausnar við vanlíðan eða vandamálum sem þeir upplifa í daglegu lífi vegna núverandi aðstæðna / atburða og/ eða frá fortríðardraugum.  Hún er líka fyrir þá sem langar til að efla sig og þroska og eignast betra samband við sjálfa sig og aðra.

Grein:  Hér er ágæt hugleiðing um ranghugmyndir um sálræna meðferð.

Er sálræn meðferð eitthvað fyrir þig?

Finnst þér það sem þú ert að kljást við ekki svo alvarlegt  að þú eigir ekki að þurfa aðstoð fagaðila? Finnst þér þú eigir að geta leyst þetta sjálf/-ur eða með aðstoð þinna nánustu? Hafa aðrir þaMyndaniðurstaða fyrir question mark pictureð svo miklu verr en þú?  Svar mitt við svona vangaveltum er að það sem plagar þig plagar þig. Það sem þú upplifir er satt fyrir þig. Fólk getur upplifað sama áreiti á mismunandi hátt. Það er þín upplifun sem skiptir máli fyrir þig. Samanburður við aðra er ekki gagnlegur. Svo má líka alveg leita aðstoðar áður en vandi verður mjög stór. Varðandi það að vinna úr vanlíðan sjálfur eða með sínu fólki þá er ekki víst að að manns nánustu séu í stakk búnir til að veita aðstoð og eins geta erfiðleikarnir verið of tengdir þeim. Kannski ertu meira að hugsa um ráðgjöf en meðferð. Sumir gera ekki greinarmun á þessu en minn skilningur er að ráðgjöf sé styttri og þar séu meira gefin ráð við afmörkuðum vanda en í meðferð sé unnið dýpra, meira með kjarnann í manneskjunni. Ég veiti einnig ráðgjöf en gott er að velta fyrir sér hvoru verið er að leita eftir.

Grein:  Fordómar, að skammast sín fyrir að vera í meðferð.